Нека биде клише

Шекспир црвенее

под разглобени зборови

не пишува за портрети

кои плакаат облачувања

само глуми глумење

           

  на    пауза   

пред долгиот смрдлив здив

на запирката. 

(заборавена)

Копи(и)

Ова се наши копии

што звучат реалност

и слушаат вистини. 

Преку рамкиве

се закачувам

па висам

со главата

на твоето рамо.

Лежат

помодрени и пожолтени сливи

задавени во семките

на нашите слики

светкави

и 

светнати

низ светилници. 

*

Две цигари

заборавени

на 

маса

многу

повеќе

не знаат

да горат 

отколку 

јас 

и 

ти.