**_**

Ти си

премиера.

Тресењето на нозете ми стои во грло

излегуваш

пред да кажам

(одвнатре.

Руменило

Дождот е розев

се претопува во самовила

заплетена низ крцкави гнезда

ги бара моите крилја

да ја разлета неговата насмевка,

а тој ждрига виножито

и расчешлува руменило

па се лула низ моиве очи

за на небо

да се размачка низ светки

и да се истури врз мене како дожд.

Филм

Еден филм

започнува со поглед

преку четири очи

на една сцена

се играат неколку улоги

а тие глумат

за таа што гледа

и тој што зборува.

Низ нивните тела

се спушта црвено платно

па се слушаат рацете

и нозете

и секое чукање на подот

е од нивното срце

кое диши во еден правец

на кажаните реплики

во еден здив

се собираат два живота

допирајќи го текстот

напишан во музиката

кога

завршува филмот.